A B C D E F G H I J K L M N O P Q R S T U W X Y Z
Seydayê Tîrêj - Ey Şehîd
154 Xwendin
0 Ecibandin
Asoya Helbesta Kurdî

Seydayê Tîrêj - Ey Şehîd

Can fidayê gel, şehîdê welat
Em dikin pîroz, cejna te b`şewat

Ku te bi merdî, emrê xwe`y ciwan
Di rîya millet, te daye qurban

Ne em tenê, lê cîhan sera ser
Cejna te bikin, li her cih û der

Em ji nêv baxa, gula dicivînin
Li ser gora te, xweş direşînin

Li ser kêla te, şehîdê dilêr
Em dihêvêsin, bi ava zîv û zêr

Em didin zanîn, kar û barê te
Em nîşan didin, cih û warê te

Gora te weke, baxê uhiştê
Heval û hogir, tev tên teniştê

Dê û bavê te, bira û pismam
Ap û xalê te, ew xuşk û dotmam

Li dor gora te, dibin wek xelek
Hêstran dirêjin, ji çavên belek

Tu can fidayê, kar û xebat î
Hem tu kuştîyê, jîna welat î

Herdem di dil û di hinavê me
Tim sawêra te, li ber çavê me

Tu comerdtir î, ji me yeka yek
Bi çoganê te, goga me çê şeg

Bi wê xwîna te, li ser teht û lat
Kilîşek çêbû, bi rengê welat

Ew deşt û zozan, ew mêrg û kanî
Di xwîna te de, tev dan xuyanî

Ala bi rengê kesk û zer û sor
Bi hinera te, me hildaye jor

Ew prçeyê sor, ye erxêwanî
Rengê xwîna te, me têde danî

Mûma jîna te, ya agir pêket
Ji pirîskêd wê, çira me vêket

çar goşê welat, tev kirye pertew
Li me bû rohnî, li ser te bû şew

Te bi vî rengî, qîma xwe anî
Te ji kok birî, jîna ciwanî

Bi qsî tav û ewrêd bihara
Rehmet ji devê, me dst û yara

Di gel hêstran dikin diyarî
Li ser gora te, herdem bibarî

Tîrêj bi pesin û bi fexir û nazî
Cejna te dike, bi ser firazî….
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê