A B C D E F G H I J K L M N O P Q R S T U W X Y Z
Seydayê Tîrêj - Nû Roj
106 Xwendin
0 Ecibandin
Asoya Helbesta Kurdî

Seydayê Tîrêj - Nû Roj

Adar e adar e, newroza me ye
Xweş cejn û ser sal e, newrozame ye

Adar çi şêrîn e, cejna Arîyan
Welat hemî şîn e, newroza me ye

Adar bi ser me`d tê, her sal wek îro
Bihna gula xweş tê, newroza me ye

Agir emê dadin, li deşt û zozana
Ji mafê xwe em nadin, newroza me ye

Alê emê rakin, ser xan û sera
Dilê millet şa kin, newroza me ye

Sazbend di gel sazan, hûn pêk ve bidin
Ber deng û awazan, newroza me ye

Xort û keç û qîza, bejna xwe bidn
Ber xeml û ber xêza, newroza me ye

Dakevne govenda, bezma şahiyê
Li bajar û gunda, newroza me ye

Derdê dil millet, hûn derman bikin
Xweş dem e ev firset, newroza me ye

Karker û cotkar tev, îro wek bira
Destê xwe bidne hev, ev doza me ye

Das û bivir rakin, ser dest û mila
Welat pê ava kin, ev doza me ye

Bê xwendin û zanîn, em pêş nakevin
Bê ceng û hem bê xwîn, newroza me ye

Ta kengî tê wabî, ey xortê dilêr
Bê yekîtî nabî, ev doza me ye

Ta ku nebin yek tev, nabî tu xebat
Karê me naghê hev, ev doza me ye

Bi sûnd û peyman be, bi gurzê Rustemî
Bi çakûçê Kawa be, ev doza me ye

Herdem ezê bêjim, best û dîrokan
Seydayê Tîrêj im, ev doza me ye.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê