A B C D E F G H I J K L M N O P Q R S T U W X Y Z
Seydayê Tîrêj - Berfa Zinara
238 Xwendin
0 Ecibandin
Asoya Helbesta Kurdî

Seydayê Tîrêj - Berfa Zinara

Eman û sed eman im, ji ber eşqa te dîlber
Herdu çavên te yên reş, neqş in li kevrê mermer

Birwên te yên reş temîz, kevanê Ristemê Zal
Por sorgula li baxan, enya te loks û fener

Pozê te yê çilakî, ser daye ser ruyê gewr
Rû wek berfa zinara, siya êvarê bê ser

Dêmên te yê gilover, wekî sêvên xelatê
Di destê xortê kurda, bûn rengê misk û ember

Lêvên te wek hejîrê, çayên şengal û Hemrîn
Diran sipî wek sedef, dev xûçeya gula zer

Gerden bilid e mîna Birca Belek bi bî nîşan
Li bajarê Cizîrê, paytextê kurd e ew her

Zend wek xiyarê Mêrdîn, sîng deşta Kewkeb û Hol
Cihêd karên xezalan, dil û sing tê de şevder

Herdu biskên te cana, ew Dicle û Firat in
Gerden li dor Cizîrê, kanî ji hewdê kewser

Bi sûnd û soz û peyman, tucar terka te nakim
Tu ya kurda yî bê şik, xwestya xortê dilawer

çiqas pesnê te bêjî, Tîrêj bi her şev û roj
Xilas nakî tu carî, bi sed xam û bi defter.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê