A B C D E F G H I J K L M N O P Q R S T U W X Y Z
Seydayê Tîrêj - Emrê Çûyî
221 Xwendin
1 Ecibandin
Asoya Helbesta Kurdî

Seydayê Tîrêj - Emrê Çûyî

Feryad û sed ax û eman
Ez ketme ber êş û bela
Heyfa evî emrê ciwan
Min daye ber derd û kula

Derdan di dil min dane şax
Bihar li min bû wek tebax
Mêrga dil û can çilmisî
Hişkbûne hewdê sorgula

Hişk bûn li dil mêrg û çîman
Teyr û tilûr qet tê nema
îro ji wî baxî bilî
Awaz û dengê bilbila

şalûr û bilbil mirxê baz
Qumrî, quling, şahîn û qaz
Tev jê firîn derketne der
Ma warê bûm û qertela

Tîrêj bese qîr û hewar
Emrê çûyî lê nabe çar
Kêf û xweşî îro li dil
Bêne wekî salêd xela
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê