A B C D E F G H I J K L M N O P Q R S T U W X Y Z
Seydayê Tîrêj - Xwestiya Pêşmerge
208 Xwendin
1 Ecibandin
Asoya Helbesta Kurdî

Seydayê Tîrêj - Xwestiya Pêşmerge

seyda: Hey yara min keçka Torî
çav reşê gerden bi morî
Tu kerem ke ji banê jorî
Ramûsim wan herdu çava

Keç: Lawiko ez ne Torî me
Ez ne keçka Omerî me
Ne şikak û Heyderî me
Ramûsan nayên bi lava

Seyda: Hey yara min ji rohilatê
Te memik sêvên Xelatê
Tu kevoka serê latê
Tu xezala ber delava

Keç: Ne z kevokim ne z xezal im
Ez ne ya xortê betal im
Qelenê min pir giran e
Ne bi zêr û ne b dirava

Seyda: Hey yaram keçka silîvî
Kember te sade zîvî
Qelenê xwe bêje qîzê
Ey delala dê û bava

Keç: Qelenê min xorto xwîn e
Nîşana min ew birîn e
Ger dixwazî min kerem ke
Ya jî rûne tu li mava

Seryda:wey li min soz bî bi rêdim
Kincê pêşmergan girêdim
Qelenê te min qebûl e
Bedewê ser her du çava

Keç: Dê evê xemla Mîtanî
Wergirim dil şadî manî
Xwestiya pêşmergê xwe me
Xwedêyo mala te ava

Seyda: Sed xwezî bi wê wext û gavê
Ev keder ji dil me hilavê
Li Kurdistana delalê
Tu bibî bûk ez jî zava

Keç: Ma gelo heye bibînim
Bendê Kurdistan bixwînim
Ey Tîrêj wê gav mirin heq
Me li cîhan sed silavan
Helbestên din ên Helbestvanî/ê