A B C D E F G H I J K L M N O P Q R S T U W X Y Z
Seydayê Tîrêj - Pakrewan
107 Xwendin
0 Ecibandin
Asoya Helbesta Kurdî

Seydayê Tîrêj - Pakrewan

Pakrewan mûm û çira ne di şevên tarî û reş
Wan ji bîr qet neke tarîx pê dibî ruhnî û geş

Wan bi xwîna ercewanî qad seraser kirne sor
Têrkirin dara jiyanê şîn vebû her cî û dor

Bûye tev mêrg û gulîstan ji kulîlkêd renge reng
Kesk û sor û zer dixwînin remz û nîşan bi deng

Wan hêvistîne ji rengê wan gula ala welat
Hate hilda ew di nîva kurdistana rojgilat

Wê ji ser me wergerandî tirs û lerza zorkera
Lê didî ba serfiraze ew li ser xan û sera

Sûnd û peyman bi birûska devê atêşa şehîd
Sûnd bi ala me ya rengîn zendê gernas û egîd

Sûnd dixwn em bi çiya û deşt û zozanêd bilind
Bi newal û mêrg û baxan kavilên bajar û gund

Sûnd bi kenê ser dev û biçûkê bê guneh
Sûnd bi girtiyên hebs û zindanan ewên dersal û meh

Sûnd bi xwîna wan şehîdan sûnd bi zor û setemê
Emê heyfa wan hilînin bi tiving û qelemê

Her wekî tîrêj dibê firset ku hat yefşê medê
Ger di wextê neçin cot naghêjin sersedê.

*Rêzkirina tîpan: Ibrahîm heso (neviyê Seydayê Tîrêj), ibo_kurd84@hotmail.com
**www.tirej.info
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê