A B C D E F G H I J K L M N O P Q R S T U W X Y Z
Seydayê Tîrêj - Nîlson Mandêla
104 Xwendin
0 Ecibandin
Asoya Helbesta Kurdî

Seydayê Tîrêj - Nîlson Mandêla

Nîlson mandêla pêşayê mezin
Serdarê milet çi mêr û çi jin

Tu ma girtiyê zindan û çala
Demek pir dirêj bîst û heft sala

Te por sipî kir wek hirî û kak
Tu l`ser ya xwe ma gernasê lebak

Te têde dîtin gelek derd û êş
Jîna ciwanî te da xerc û bêş

Te serfiraz kir efrîqa başûr
Ji destê dijmin bi kotek û zor

Hezar aferim rêberê milet
Li te pîroz be ev tac û sewket

Xwedî bawerî şêrê bi zincîr
Ne hişt li welat te bend û eşîr

Te reş û sipî kirin wek hev
Destê biratiyê teva dane hev

Te kîn û rik û berberî nehişt
Azad bû welat te kir wek buhişt

Ji te sêpase her demê tîrêj
Te nekir ber xwe wîsama qirêj

Remza Etaturk nîşana gemar
Te qebûl nekir qet ew yadîgar

Bi wê wîsamê qîma xwe nanî
Tu xweş bihalê kurda dizanî

Ev tiştê te kir ey serokê jîr
Gelê kurdistan qet nake ji bîr

Tu xweş bawer be Nîlsonê dilêr
Emê bivîsin wê bi ava zêr

Ewê têkevî bi soz û peyman
Pelê tarîxa kurd û kurdistan

Bijî mandêla dijî şer û ceng
Ew aştîxwazê bi nav û bi deng

Bimrî berberî ew setem û cor
Nemînî şerxwaz here gor bi gor

Ev cîhana xweş hemî dehl û bax
Ava bimînin ev birc û qûnax

Bijîn wek bira têde reş û gewr
Nemîne setim ew çax û ew dewr

Tîrêj dibêje bi dilkî geş
Bijî mandêla se`eta te xweş.

*Rêzkirina tîpan: Ibrahîm heso (neviyê Seydayê Tîrêj), ibo_kurd84@hotmail.com
**www.tirej.info
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê