A B C D E F G H I J K L M N O P Q R S T U W X Y Z
Seydayê Tîrêj - Berfa Sîpan
278 Xwendin
1 Ecibandin
Asoya Helbesta Kurdî

Seydayê Tîrêj - Berfa Sîpan

Cana tu naz û rindî, wekî Keja li Amed
Tuyî Xeca çelengî, ezim îro Siyamed

Sîng û berê te bozin, befa Sîpan û Serhed
Gerden bilûr û mercan, bi yaqût û zibirced

Tucar terka te nakim, bi qelsî yan bi xurtî
Pesnê te her dibêjim, bi tikrayî bi xurtî

Dixwim sûndê bi êlim, bi wî kalê veşartî
Elifba ez dixwênim,hê ez neghame ebced

Di nêv baxê Gulîzar, bi rewşa xwe tu sorgul
Li ser te ez dixwênim, wekî şalûl û bilbil

Bi dîdara xwe ey can, derman dikî dilê kul
Li ser taca keya xweş xuyaye, rengê kumbed

Li ser rêça evînê, Tîrêj ne dîn û şaş e
Cawê wî pir giran e, hemî çox û qumaş e

Ne wek dexok dibêjin ku, kevnemal belaş e
Tu guh mede ne çakan, ji destê xwe tu bermed
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê