A B C D E F G H I J K L M N O P Q R S T U W X Y Z
Seydayê Tîrêj - Felekê
116 Xwendin
0 Ecibandin
Asoya Helbesta Kurdî

Seydayê Tîrêj - Felekê

Felekê hoy felekê
çav reşê çav belekê
Por sorê por xelekê
Felekê

Felekê keçka gundê
Xweşikê poz bilindê
Were dakeve govendê
Felekê

şêrînê sebra dila
Tu bi nazdarî hela
Bihejîn herdu mila
Felekê

Mor û mircan û benî
Goh û toq û gerdenî
Berbisk û rista `enî
Felekê

Xome xom têkeve nav
Deng bidin bejna zirav
Tu bişo cerg û hinav
Felekê

Xanima koşk û sera
Xort û lawan û kura
Bide ber wan awira
Felekê

Reqs û govena me yar
Bê te xweş nabî tucar
Tu li Tîrêj meke bar
Felekê

Ev xem û êş û keder
Derd û axîn û keser
Tev ji dil ku bêne der
Felekê.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê