A B C D E F G H I J K L M N O P Q R S T U W X Y Z
Seydayê Tîrêj - Di Benga Biharê De
117 Xwendin
0 Ecibandin
Asoya Helbesta Kurdî

Seydayê Tîrêj - Di Benga Biharê De

Ey biharê tu hat bi xêr
Me dil nema êş û kule

Reng reng dike çi jor û jêr
Tu cejn û Newroza dile

Tu cejn û Newroz e yeqên
Teyr û tilûrên derzemîn

Wan hat bi mizgîna te jîn
Xweş tên bi kewt û xulxul e

Xweş tên bi kewt û kom û tek
Qaz û quling û bazbelek

şalûr û bilbil lek bi lek
Berçemk û çûk û qertel e

Tev tên bi perwaz û bi rav
Da ku bikin te ew silav

Wan nêrgizan girtin xunav
Bişkeftî xunca sorgul e

Nêrgiz û sorgul bişkivîn
çîçek û lal û yasemîn

Xweş tên ji wan box û bîn
Axifte canê bilbil e

Axifte wî can û ciger
Sema ye axîn û keser

Hêstran di barê cot û fer
Lewra ku çav her dem şil e

Roj û şevan nakî hedan
Her dem bi nalîn û fîxan

Bû serwerê mirxê cîhan
Lew bûye rêzan û mele

Sazbend e hem dengbêj e ew
Di benda gulê xwînrêj e ew

Vîndar e wek Tîrêj e ew
Ev jîn ku lê bûye bele
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê