A B C D E F G H I J K L M N O P Q R S T U W X Y Z
Seydayê Tîrêj - Nîşana Tifingê
97 Xwendin
0 Ecibandin
Asoya Helbesta Kurdî

Seydayê Tîrêj - Nîşana Tifingê

Yar bi fermana evînê
Dame ber dar û kuling
Axiftî şûna birînê
Min ji ber nalîn û deng

Pir ji jana dil dinal im
Xem civînê meh û sal im
Min umir çû pîr û kal im
Va mejî girtiye zeng

Bê hiş û sewda û dîn im
Ku pelê eşqê dixwînim
Mest û sergerdan û dîn im
Dil bibe sotek pir reng

Hêz ji dest û pê û gava
çû nema ronî di çava
Roj li me çûye ber ava
Li min êvar e dereng

Yar hinav û dil biriştin
şîş di nava dil de hiştin
Her demî ez tême kuştin
Bê şer û lêdan û ceng

Sawîra roj û şevayê
Can û cerg û dil tevayê
Min mirin her dem divayê
Goreke tarî û teng

Pa xwezî min yar bidîta
Ew ji pişt perde û çîta
Min ji dinyayê bizîta
Ew gilok û ta û peng

Mêzeke Tîrêj esîto
Herdu ebrû çav ji nîro
Daketin cenga te îro
Her wekî şêr û piling

Cengevan in xweş li kar in
Tîr ji hêla wan dibarin
Can û dil armancê yar in
Rengê nîşana tifing

Yar çiqa bê bext û ol î
Dîn kirim berdame çolî
Rengê Hûlakê Mexolî
Wê li min best dest û ling

Bûm ji êş û jar û derda
Sofiyê mizgeft û werda
Min cîhan pêk ve bi der da
Tev ji bo yara çeleng
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê