A B C D E F G H I J K L M N O P Q R S T U W X Y Z
Seydayê Tîrêj - Taca Şerefxan
116 Xwendin
0 Ecibandin
Asoya Helbesta Kurdî

Seydayê Tîrêj - Taca Şerefxan

Ger tu nebî ma em çine
Canim bi qurbana welat
Bawer biked rêça te de

Xwîna me erzan î welat

Axa te misk û enber e
Ava te ava kewser e
Kevrê te dur û mermer e

Elmas û mircan î welat

Ava çemê Dicle Firat
Sed zem zem û ava heyat
Nayên di mizgîn û xelat

Pîroz û derman î welat

Qda te tev zêrê zer e
Kîmya û nift û komir e
Tev dehle tev dar û ber e

Tev bax û bistan î welat

Xemla cîhan, ji rewşa te ye
şahî bi mizgîna te ye
Dem her di fermana te ye

Taca şerefxan î welat

Rabû ji te zana û jîr
Rengê Feqî, Elyê Herîr
Rengê Mela, pîrê Cizîr

Wek Ehmedê Xanî welat

Rabûn ji te, mêjûvan
Deng dan di nêv xakî cîhan
Rengê Emîn û Kamûran

Hişyar û Goran î welat

Rabûn ji te mêr û egîd
Wek Xalid û Ebdul Mecîd
îhsan û kalê şêx Seîd

Qadî û Barzan î welat

Havîngehad qada te da
Gerek li wan û Ameda
Bayê zozan û serheda

Xweşya dil û can î welat

Lawên te rengê şêrgela
Bi dest tifing, rext li mila
Sîng dane ber top û gulla

Li îraq û îran î welat

şoreşgêred înçax û dem
Xwînê dirêjin rengê çem
Sor kirne ew teht û kelem

Tîrêj bi qurban î welat
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê