A B C D E F G H I J K L M N O P Q R S T U W X Y Z
Seydayê Tîrêj - Kurdistan
181 Xwendin
0 Ecibandin
Asoya Helbesta Kurdî

Seydayê Tîrêj - Kurdistan

Ey Kurdistan Kurdistan, navê te l`navê welat
Keça delal û hêja, hevala kar û xebat

Desatê xwe b`destê min de, bi tevayî wekhevî
Millet bi pêş ve naçî, bê komel û bê civat

şêr şêre ey keça kurd, çi jin û ya çi mêr e
Li Indêra binêre, wa ye pêşkêşa welat

Wek Besê ya bi nav û deng, canfidaya Kurdistan
Di cenga kurd û tirka, li Sîpan û Ararat

Wekî Leyla çav belek, jîna xwe ya ciwanî
Ji bo kurd û Kurdistan, daye mizgîn û xelat

Wek Cemîla Bûheyred, ser bilinda Cezayir
Firensa ew sera ser, dane ber dax û şewat

Temaşekî tu îro, li cîhanê keça kurd
Tê bibîne gelek keç, tev zîrek û ebûqat

Lê tu tenê keça kurd, di bezma keçfiroşan
îro tête firotin, wek dewara ber mezat

Di quncên reş rûdinê, bi jarî dil şikestî
Derma ku tê ber derî, dibên bavê te va hat

Bi lerz û dil bi tirsê, ew vedgerî cihê xwe
Tu dibê şermeke giran, tenha bi ser wê de hat

Heta ku em wisabin, gavek bi pêş ve naçin
Welat ji dest neyaran, nakin azad û felat

Bese rabe keça kurd, bişkîn tu qeyd û benda
Wekî Tîrêj dibêje, dem û dewra te va hat.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê