A B C D E F G H I J K L M N O P Q R S T U W X Y Z
Seydayê Tîrêj - Guhmedin Pîsan
86 Xwendin
0 Ecibandin
Asoya Helbesta Kurdî

Seydayê Tîrêj - Guhmedin Pîsan

Mijde bî mijde bî, xortên dilawer
Hemrîn û hemrîn û Sefîn û Hewlêr
Xemilîn xemilîn, bi al û leşker
Pêşmergên pêşmergên, me daketin şer

Dem xweş e dem xweş e, roja welat e
Dem xweş e dem xweş e, çaxê xebat e

Bû qupîn bû qupîn, bû ceng û halan
Leşkerên leşkerên, kurd hatin meydan
Wa revîn wa revîn, dujmin ji ber wan
Yek ji me yek ji me, hember sedê wan

Dem xweş e dem xweş e, roja welat e
Dem xweş e dem xweş e, çaxê xebat e

şevgêrên şevgêrên, nîv koh û çola
Can hesin can hesin, ceger ji pola
Guh medin guh medin, van pîs û tola
Da nebin da nebin, bindest û kola

Dem xweş e dem xweş e, roja welat e
Dem xweş e dem xweş e, çaxê xebat e

Tev bidin tev bidin, dengû gazî
Da bijîn da bijîn, bi serfirazî
Da bijîn da bijîn, bi aştîxwazî
Kurd yek in kurd yek in, ap û birazî

Dem xweş e dem xweş e, roja welat e
Dem xweş e dem xweş e, çaxê xebat e

Her wekî her wekî, tîrêj dibêje
Hêstiran hêstiran, herdem dirêje
Bo welat bo welat, ew mest û gêj e
Bişkînin bişkînin, destê qirêje

Dem xweş e dem xweş e, roja welat e
Dem xweş e dem xweş e, çaxê xebat

*www.tirej.info
**Rêzkirina tîpan:
-Mişel Osman(bavê Nisrîn)
-Ibrahîm Ebdî(bavê şêrîn
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê