A B C D E F G H I J K L M N O P Q R S T U W X Y Z
Seydayê Tîrêj - Giran Baro Dilo
308 Xwendin
3 Ecibandin
Asoya Helbesta Kurdî

Seydayê Tîrêj - Giran Baro Dilo

Yara te ket destê neyar
Ma tê çikî jaro dilo
Gerden bi ser te"d maye xwar
Bê hêvî û çaro dilo

Yara te ya şeng û bedew
Hêsîra dest neyar e ew
çawa dikî razan û xew
çav pêl û xewaro dilo

Rind û delala naziyan
îro bi dest canbaziyan
îran û Tirk û Taziyan
Bê kêro ser saro dilo

Wa tê firotin ew çeleng
Vêga bi dolar û fireng
Gazî dikî nayê te deng
Ey lal û bêzaro dilo

çavan ji temarê veke
Carek li dinyê mêzeke
Kincan li ser bejna xwe ke
Rê dûr giran baro dilo

Tu l`ba keve lingan bilivîn
Pir dûr e ev rêça evîn
Yarê ji nav destan derîn
Wek şêr û wek maro dilo

Rabe eve roja te hat
Bê yar dikî çawa tebat
Sed deşt û zozan û xelat
Tev cih û tev waro dilo

Tu bi xeml û xêzê dîlberê
Dîsa werin dewra berê
Ebrû siya dêm fenerê
Tîrêj fedakaro dilo
Helbestên din ên Helbestvanî/ê