A B C D E F G H I J K L M N O P Q R S T U W X Y Z
Zulkuf Kişanak - Qîriya Mi
81 Xwendin
0 Ecibandin
Asoya Helbesta Kurdî

Zulkuf Kişanak - Qîriya Mi

Delalê
Vilika koyan, roşniya vewre, embaza asmênî
Gizgaleka zerriya ma
Werze
Roj akewt
Kişta bîne ra, vera Helezinîra

Bewnî
Teq-reqa asinî ra
Bêtaran ra
Dereyê çalindêleray nêdano nê bêtaran
Nê bêwayîran
Rakewtiş mergê ma yo delalê
Werze

Tiya
Nê dereyî de
û hetê Gaza şewsînî de
Kewtî
Ciwanî
Kal û kokimê ma
Wextê şêx Seîdî ra nat a

O wext
Sey nikayî, sey ewroyî
Day adirî ver
şarê Rîzî,
Meymanê Awa Hemeke; awa kewserî
û çemê Sarume
Werze

O wext topî
Nika zî bombeyê qazanan eştî
û kîmyayî,
Bêqusûr danê qefesê ma ro
Delalê
Ne camiya Mela Sidîqî
Ne mekteb
û ne zî yew keye mend
Leteyanê bombeyan ra pey
Nê cennetî de, cenneto ke çar kitaban ra weşêr o
Dewa Rîzî de
Delalê

û delala çimrengîne, eşqa girde
Tîja mi

Doktor Ezîzê ma,
Ê şima
û new embazî
Bi bombeya kîmyewî kiştî
Vîstê kanûna hezar û newsey û neway de
Kîşta Xorxolîde
Serê koyê berzî, Kerreyê Sûrî de
Erê
Erê delalê
Wa adir biperro zerriya mi
û Ziyara Dêdwanî

Bewnî
A uca de, kîşte û kinaro bîn de
Qula Baw Mistîesta,
Hewna tutun pêşeno, a qula bêbine de
û na kîşta ci de zî Dereyê Geyikî esto
Weş bewnî
Qijan uca ra eşt Meh Seyê ma
Lajê embiryanî
Terteley arminiyan ra dima
Labelê Meh Sey, newayserriya xo de şi heq
Wax dewrê terteleyî şarê Mence rê
Wax

Werze,
Werze delalê
Adir kewt zerriya mi, bewnî gijgij kena hêna
înan no fin Mele Sidîqê ma zî kişt
Kuçeyê tengî û bêvengî de
Sûka bapîran
Amed de
Roj viyart, wext berey bi
De werze
û goş bide zîbezîbê zerriya mi
Zerriya tenike
Delalê

û delala çimrengîne, eşqa girde
Tîja mi
Şîrove

Ka tu şîroveyeke giranbuha li vê helbestê nakî?