A B C D E F G H I J K L M N O P Q R S T U W X Y Z
Yeqîn H. - Bakûrî Hatin
349 Xwendin
1 Ecibandin
Asoya Helbesta Kurdî

Yeqîn H. - Bakûrî Hatin

bakurî hatin, bakurî, peya û siwarî
bêderî borîn ji atlasan
xwe girtin li qama tivingê
pişt spartin taldeyê rabirdûyê, hatin
lawên kurmanciyê
bêhnek berdan li ber neqeba dî-rokê
li bin asîmanê dadayî
pişt re rakirin halanê, bezandin hespên xwe
li tayê xetê, dan tengala wextê sînor û sînor
dengên xwe hiştin li dîwana avê
li dû çîrokeke kevin, li fermanan çûn
çûn royê bi rûyê şevê dakin
çûn lê danegeriyan
bûn herfa serî, li navê qewmekî

06 adar ‘07
mêrsîn
Helbestên din ên Helbestvanî/ê