A B C D E F G H I J K L M N O P Q R S T U W X Y Z
Yasîn Hisên - Oxir
165 Xwendin
3 Ecibandin
Asoya Helbesta Kurdî

Yasîn Hisên - Oxir

Mane
Porê teyî sipî bû
yê ku
hildikir temberiya benefşa me

Mane
Fîxana bihna te bû
Ya ku
şa dikir dilê Gundiyên me

Mane
Ez û tu bûn di gerînokê de
çaxa ku me xewnê xwe
bi zixurk û tûrên vala digihandin ezmana

*** *** ***

Lê sibeh ji dengê min hildiweşiya
û hêstira min xwe bi
xwe kedî dikir
ji canekî sar re û ji kêlek numayî re
xwe bi xunavê Re zelal tir dikir

*** *** ***

ji yezdanê kêfxweş re camek
ji nalîna bilûrekê re devek ""
û
ji felekê re rêwiyek

*** *** ***

tenê min
ne dizanî ku çend rengên koçê Hene !!!!
da ku
di paşila sibehan de
te ji xwe re bi mendalekî sînga wî
bi teptipînim

*** *** ***

Lê aşiqê çavê Nisrînî bûm
Kelogiriyê bi Perwînê re bûm
Da perwan vehesîna xwe li ser laşê
Min bi hinguv û tozkin
Erê Rêwiyo
Tu çend temenan dixwazî
An çend kul ???? Da ku te ji xwe re
An xwe ji te re
Bi xaçirêk kim

*** *** ***

Hesret li hêviya min û te bûn
û
xopan bi pêjna mere
ketibûn semaya daxwazê
lê çiqa tu
li bendemanê diwestî
û çiqa deng
di xwîzdimanê diman
ta fedî ji çogan dadiwerivî
û
bê çareya me
mat bûna me
ketina me
diyariya buhara yezdanan dima rêwî

*** *** ***

de bihêre dayikê
Birêse xuşkê
Bela delal bi qurbana çava bin
Bela her çar demsal
Xwe bi gorî kal û pîrê te kin

*** *** ***

Volqan
ji Enîşka te ve der dibû
mîna min
sûlav
bi kenê te ve gur dibû mîna te
û
ez bi te ve bi te re
ji te re
bê meya jiyanê kurdûnde dimam

*** *** ***

Loooooo... rêwiyo
Mane xatir û bendeman
Efsaneyê lêvên te bûn

Mane

Oxir û oxir
Serpêhatiyê demşev û meyşevê min û te bûn
De bela bangîna me ta bi heyvê
Dirêjbûna rêkê min û te bin
Bela evînî
sawa cin û macinê
çolê min û te be
bela noşîna me ne ya
dawî be

Amûdê 2001
Şîrove
Carol Adeline
12-07-2023, 11:21:31
Lost Crypto Recovery Services; Contact Lost Recovery Masters.

Losing money can be awful. It has a tendency to send you into a downward spiral of despair, which is exactly what happened to me. I had invested $172,000 worth of Crypto in an online investment scheme, and everything seemed legitimate up to the point when I realized I had been deceived. I was depressed for days before I came across an article about LOST RECOVERY MASTERS, of how they help scam victims recover their lost funds. I gave them a chance despite my reluctance, After submitting my case all my funds were recovered back to my wallet. Please exercise caution and make sure you are aware of what you are investing in. To anyone that has happened to be a victim too, you can file an email complaint through; Support (lostrecovemast@mail.com.)

Whatsapp; +1(204)819-5505.

Ka tu şîroveyeke giranbuha li vê helbestê nakî?

Helbestên din ên Helbestvanî/ê