A B C D E F G H I J K L M N O P Q R S T U W X Y Z
William Shakespeare - Sone 58
121 Xwendin
3 Ecibandin
Asoya Helbesta Kurdî

William Shakespeare - Sone 58

Xwedê di sêrî de ez kiribim bendeyê te,
Qedexe be nebêm li kêfa te bibim serwer,
Ku bêriya hesabê deman dabe destê te,
Ez kiribim xulamê te, da tu betal bî her!
Lo bihêle olamkêşê te, xulamê te bim,
Girtiyê nebûna serbestiya te, xem nake,
Sebirkêş û sernerm im, dê li ber destê te bim,
Tawanbar nekim dilkeviriya te, xem nake.
Tu her li kê derê bî, tu xurt î, destûrdayî,
çawa bixwazî, wida dadigirî dema xwe,
Te çi bivê, dikî, nabêjî, kê destûr dayî,
Heke nebe, bi xwe bibûre li tawana xwe.

çu xem nake, ez ê bipêm, payîn dojeh be jî,
Li kêfa te negirim, xweş an jî kereh be jî.

Ji ingilîzî: Kawa Nemir
Şîrove

Ka tu şîroveyeke giranbuha li vê helbestê nakî?