William Shakespeare - Sone 116

Bi min be, hevseriya kesên bi dilê dilsoz
Çavnasê berbestan e; ew evîn ne evîn e,
Heke guherîn peyda kir, ku li berê bû toz,
An jî tewiya li ber rewşa ku revê tîne.
Ax na, ew nîşaneyeke ku her tim qayîm e,
Sîng dide ber bahozan, nalerize çu caran;
Stêrka her belemeke bêrê timdayîm e,
Berziya wê nas e, nenas e nirxê bi baran.
Evîn naxape bi Demê, lêv û dêmên gulî
Ku bên jî bi pergala dasa wê ya devxwar re;
Evîn naguhere bi kat û hefteyên xwelî,
Heta ber qiyametê jî her û her dihere.
Heke ev şaş be, yekî rabû ji min re çespand,
Ne kesî çu carî hez kir, ne jî min nivîsand.

*Wergêr: Kawa Nemir
*Çavkanî: Hemû Soneyên William Shakespeare, r: 285, weşanxaneya Lîsê.