Tahir Dînarî - Em Kurd û Leystika Sedrencê û Tirk û Ereb

Kurdistan bûye liyistik û sed renc
Kî dilîzê li serhev laş dibin senc

Leyistikvan serî û hefsare tirk
Ew hizur li kurdistan dikî girik

Erdoxanê kû necis mîrê işîd
Tevlî artêş û wezîr û çend mirîd

Bi xap û dek û derew hîlebazî
Ger rojava û kobanî bi xwazî

Wê komara tirkî tevde bibî xwîn
Bes êdî gihaye ser sedê gêsin

Nebêje kurd nezane û deynakê
Kurd rabê wê serî li te belakê

Hindikma şahê me kurda bibî mat
îmralî gazî bike birc û kelat

çend fêris û pêlewan û ejderha
Bila bên kêr di kezebêde giha

Hêvîya me mane çiya û qendîl
Bakûr başûr mil bidin hev wekî fîl

Ya dawî tê her kurdek gergedane
Ev şerê ereb û tirk û kurdane