A B C D E F G H I J K L M N O P Q R S T U W X Y Z
Siyahpûş - Xezel
607 Xwendin
1 Ecibandin
Asoya Helbesta Kurdî

Siyahpûş - Xezel

Ez nizanim ew çi sûret bû me dît der cameyê
Şibhê şem’ê sohtî cergê min wekî perwaneyê

Wayêweyla sohtî cergî ez kirim mest cunûn
Lew me qesd e secde bim ber saqîyê meyxaneyê

Min qebûl in xemr û saqî dêr û zunnar û senem
Me navên seccade û ewrad digel sed daneyê

Ey hebîba ger cehennem dave bit tu dane bî
Bi qesem dê biçme nav de ez bi qesda daneyê

Lê nizanim tu ji kêy Leylê ebnayê Tay
Şibhê Mecnûnê zemanî rû bikeym wêraneyê

Ez çi çare kem kî j’derdê min xeber de ey hewar
Dê ji kê bipirsim nizanim menzîlê cananeyê

Şem’ê cana dûredest e menzila min zulmet e
Ez ji kê gazinde keym bînî şemala xaneyê

Xuzîya roja wisalê bixûyê zulfê hebîb
Ku bi mijga ta bi ta kem ez mîsala şaneyê

Muhbetê kuştim Sîyahpoş şibhetê Seyfulmulûk
Lew li ser min ferzê ‘eyn e secdeya putxaneyê

Aşiqê sadiq ew e ê ku di rêya dîlberê
Ger ewî bînin bi ker kin neşkêne peymaneyê

Karê şem’ê her şewat û muhbet û sohtinî ye
Lew disojitin Îranê şibhetê perwaneyê

Çavkanî: yektauzunoglu.com
Helbestên din ên Helbestvanî/ê