Şêx Riza Talebanî - Dilberî Bêwefa

Rojê nebû em dilbere bêrehme wefa ka
Carê nebû em kafire şermê le Xuda ka

Heyran in egîba le ‘îlacî merezî min
Luqmanî wîsallit meger em derde dewa ka

Karê ke xem û derdî fîraqit be minî kird
Serma be hetîw ba be dewarî şirrî naka

Dêwane ye şexsê ke be xeyrî lebî le‘lî
Wek şahî Sikender tellebî awî beqa ka

Tab û tebî ateşkedeyî hîcrî weku şêt
Nezdîk e minîş warîdî sehrayî fena ka

Lem rêgeye teqdîrî ezel wa bû ke ême
Pamallî cefa bîn û reqîb seyr û sefa ka

Roh û dill û dîn hersê ekem be zil û nîsarî
Kamî dillî min eger le lebî le‘lî rewa ka

Ser danê le rêy eşiq Reza lazim e aşiq
Bo yar ser û mallî superî tîrî qeza ka