A B C D E F G H I J K L M N O P Q R S T U W X Y Z
Şevreş Jaro - Li Ser Masa Girî
88 Xwendin
0 Ecibandin
Asoya Helbesta Kurdî

Şevreş Jaro - Li Ser Masa Girî

Li ser masa girî
Lêvedana lêvin dûmanî
Li qiraxa peyaleke vala ji girrava tirî

Li ser masa girî
Namake badayî ji hêstirin guvaştî
Tîp têde nayê xwendin … mar nayê birrî

Li ser masa girî
Xelekek zêrînî ji tiliya xwe mabû
û… kilîtek venake deryên vekirî

Li ser masa girî
Pirtûkek evînê..evîn têde nemabû
û …deriyek ji hêstirê mûmin vemirî

Li ser masa girî
Alek pêçayî ji rengên beyanî
û… welatekî razayî di himbêza xewnên leşkerekî mirî

Li ser masa girî
Nivîsokek zuhabû ji xewna nivîsê
Navnîşana namakê pê naça serî

Li ser masa girî
Davikek nêçîrê ji xapê mirova
û … rêstikek hêstir ji xewnên çivîkan
Di sukra zarokekî bûne kerî

Li ser masa girî
Buxçikek dagirtî ji xwezîkên parsek
û … kirasek ji perda şevnî reşkirî

Li ser masa girî
Buha min kirîbûn bi arzanî difroşim
Ka kê dikirî …. Li ser masa girî ….
Helbestên din ên Helbestvanî/ê