A B C D E F G H I J K L M N O P Q R S T U W X Y Z
Şervan Azad - Yek û Çar im
111 Xwendin
0 Ecibandin
Asoya Helbesta Kurdî

Şervan Azad - Yek û Çar im

Nav di ar im bin di bar im
Bêkes im sêwî hejar im

Ka neman dost ez tenê mam
Zehf diêşim û neçar im

Bo çi jîn qey ger nebit ew
Pir xizan bê cih û war im

Bê miraz im her dikazim
Bask şikest ber jor de xwar im

Sed mixabin min nedît roj
Sal û demsal bê hedar im

Pir bedel dan vî ruhê min
Dîse sax im lê di ar im

Ez dijîm nav şîn û azar
Lew ne şad û bextewar im

Ev dilê min jevde hat xwar
Qet bi parî parepar im

Min nema hêza jiyanê
Wek welat ez yek û çar im

Tîrmeh.2018.Sêrt
*Bi destûra helbestvanî ye.