A B C D E F G H I J K L M N O P Q R S T U W X Y Z
Şêrko Bêkes - Zîndû, Mirdû
146 Xwendin
0 Ecibandin
Asoya Helbesta Kurdî

Şêrko Bêkes - Zîndû, Mirdû

Dû hezar û penc sed sal e
Mêjû elê le dayk bûyn
Dû hezar û penc sed sal e
Zirp û zîndûyn
Belam hêşta, bawêşk edeyn,
Hêşta nûstûyn
Hêşta tewaw têr xew nebûyn
Hêşta enûyn.
Dû hezar û penc sed sal e
Bêşkey xelk ra ejenîn
çunke şilqey zile xoş e
Be hî xoşman pê ekenîn
Dû hezar û penc sed sal e
Le xelk burduyn!
Le xoman hergîz neburduyn.

Dû hezar û penc sed sal e
Wek êsta wayn
Yek negirtûyn!
Lew katewe çek helgirtûyn
Belam hêşta ser nekewtûyn
Keçî elêyn: her serkewtûyn
Elêyn: ême her nemirdûyn!
Her lêrewe ta wilatî berînî "çîn"
Be nokerî
Gerayn, royştîn
Be awatî serkewtinî bêgane gelê geyştîn
Le xwênî xoman bo riştin
Le roley xoman bo kuştin
Ta tiwanîman
Qisey zorî merayîman,
Bo helbestin
Semaman kird, boman ristin
Wityan: adey dinya bigrin,
Ewe pare!
Witman: baş e!
Wityan: bimrin, ewe pare
Witman: baş e!
Wityan: malî yektir bibrin
Le naw yeka, yek serbirrin
Wirgî yektirî heldirrin
Ewe pare
Witman: baş e!

Dû hezar û penc sed sal e
Pêman elên
Berd bin, dar bin
Elqe le gwê û xizmetkar bin
Merr bin, mar bin
Adey înca şêt bin, har bin
Elêyn baş e!
Bitî dar û berdman perist
Tacî hezar şay bêganey
Xwêne xoman,
dana û perist
çend pêlawî dujminanî
Taze û konman,
cut kird, perist
Emman perist, ewman perist
Dû hezar û penc sed sal e
Tenha her xoman neperist.

Dû hezar û penc sed sal e
Dêyn û deroyn
Wek şêt exoyn
Serman qalle
çene edeyn, hel eperîn!
Serçopî nokerî egrîn!
Keçî destî kirdeweman
her betal e.
Giftman lalle.
Ewey giyanî riswa nekird
Roy û zû mird
Ewey kirnûşî namerdî
nebird, zû mird.

Dû hezar û penc sed sal e
Ewey piyaw bû le nawman bird
Bo şardinewey nengî xoman
Delaqey gewre û diroman
Bo ewey xoman tefre deyn
Wek lewew ber hîçman nekird
Her hîç nekeyn
Hatîn gerayn
Kewtîne dûy gizî û fizî
Le qujbinî mêjûy kon da
Xwêndewarman kewtine dizî
Dizî kirdin le şanazî kesanî tir
Maye û mûrî gelanî tir
Hemû dinyayan kird be Kurd
Pêxemberanyan kird be Kurd
Heta Adem û Hewaşyan
her kird be Kurd
Neyan pirsî:
Ey boçî Kurd
Dû hezar û penc sed sal e
Bo xoy hîçî be hîç nekird?!!
Şîrove

Ka tu şîroveyeke giranbuha li vê helbestê nakî?