A B C D E F G H I J K L M N O P Q R S T U W X Y Z
Sebrî Botanî - Gulbihar û Pelîtank
311 Xwendin
7 Ecibandin
Asoya Helbesta Kurdî

Sebrî Botanî - Gulbihar û Pelîtank

Dûtra rojê l’ ser banî
Mi’ l’ ser milê wî danî

Ya te gotî, min ew got
Ez di gel xwe kirim cot

Gulê pa keyfa wî hat
Maçek bo min kir xelat

Gote min bêje Fatê
Bê min ne çit civatê

Gulê ji nû min zanî
Yarê te ye Botanî

Gotinek kir wek şekir
Wî dilê min pê vekir

Pir xweş û nerm û têrtam
şîr û şirîn şekrê şam

Hingê gava paştir bû
şirîntir û baştir bû

Gulê nadim malê d’nê
E’l’ ser wê têm kuştinê

Li ser wê tirh û katê
Agir û befr û ba tê

Ewrê evîna caran
Dîsa’ kir ag’r û baran

Ewrên me reş û tar in
şîn û şadî dibarin

1967