A B C D E F G H I J K L M N O P Q R S T U W X Y Z
Sebrî Botanî - Evîna Pîroz
727 Xwendin
0 Ecibandin
Asoya Helbesta Kurdî

Sebrî Botanî - Evîna Pîroz

Memê reben evîndar bû
Beko rabû jehir tê kir
Bi kîna reş vekola bû
Di zîndana Cizîrê kir

Wî ned’zanî bi vî karî
Pîroziya evînê kir
Min û dilber di vê rê da
Pitir ji Mem û Zînê kir

şekirlêvê, me na xêvê
Xemla revê qehir çêkir
Beramber te gunehkar im
Gelo dilber, eve kê kir?

Agir berda hinavê min
Tîzab û xwê li b’rînê kir
Berê dara evîna me
Ne me dît û ne me jê kir

Ji nû dîsan bi dijwarî
Pîrê evîn şekir lê kir
Hezar tirken bila rabin
Eve dîsa’ me destpê kir
Botanî ger nependî bû
Wî xwe gorî şirînê kir