A B C D E F G H I J K L M N O P Q R S T U W X Y Z
Rojen Barnas - Milkê Evînê
137 Xwendin
0 Ecibandin
Asoya Helbesta Kurdî

Rojen Barnas - Milkê Evînê

Min milkek heye li wê deverê
Sekaniya evîn,û geşasoya xweziyan
Karîna jiyana min
Bi rik jê dizê.

Milkekî diherike û tê
Dastan e,ji xewnan vehonandî
Milkekî difûre,belê
Gewlaz e,ji axî û keserê
Ku hê ji „Qalûbela“
Tarîx e li enî û
Nûsîn e,libextê me.

Milkekî ji navserên li Munzir û Agirî
Serejêrî Xaniqînê dibe
Gava roj dibişire li Mahabadê
Qeresî digermijin ji kêfa
Li lodik û mesîlên li Efrînê
Li wan berwarên çiyayên Kurda.

Min milkekî heye ku lê
Her deq-qe
Perçeyek min
Tête kuştin
Di ber da
û jê
Her deq-qe perçeyek min
Ji nû ve dizê.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê