A B C D E F G H I J K L M N O P Q R S T U W X Y Z
Rojen Barnas - Kurê Jina Xwe
85 Xwendin
0 Ecibandin
Asoya Helbesta Kurdî

Rojen Barnas - Kurê Jina Xwe

Di civata me de ciyê wî
Ne li seriya civatê bû
Û ne jî li ber şekalan

Ne tazî bû, ne birçî bû, ne bêrûmet
Di civata me de ew
Bi qasî giringiya xwe
Xwedî siyanet.

Bi rêwîtî çû deverekê
Rom bû, Konstantîniye bû? Nizanim.
Şam bû, Bexda bû, Tehran bû
Ankara bû? An ciyekî din
Ez nizanim
Û rawî jî salixê wî ciyê nadin.

Kursîkî kişandin binî
Û xeftanekî lê kirin.
Di meclisek xas de tiştek gotinê
Ku pê nihêwî
Ji yê me cihê kirin.

Êdî, me jî wî navê
Lê,
Gava lê dibe pêsîrtengî
Kurê jina xwe
Tê xwe davêje bextê bavê.

*Ji Milkê Evînê
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê