Rojen Barnas - De Bivên Hûn Çi Divên

-ji zarokên şehîdan re-

Hûn çi dixwazin zarûkno!
Hûn çi dixwazin ji min, bidme we
Lê
Min tişt nînin, mixabin
Ku
Ji mizdana bavê şêrîntir
Û xweştir bin
ji hezkirina dayikê.

We bihîst
De bivên hûn çi divên!
Ku we têr nekin

Tiştinê min
Li xweşa we ku neçin,
herwekî:
Bi qasî şîraniya di awirdanên bavê
Bi qasî nêzîkiya di pevçûna dayikê
Li min megirin,
Bibûrin li min,
Ne ji ber timahiya min e
Û ne jî ji ber çiknosiya ji heyînê.
Bibûrin li min zarûkno!
Bidin xatirê dê w bavê xwe
Ku b` xwîna xwe nivîsîn dastana têkoşînê.

De bivên hûn çi divên
Ez bi heyran
De bivên.

*Ji Milkê Evînê