Rojen Barnas - Bêriya Welat

Bêriya welat, di dilê min de
Bêriya welat, şişa sor kirî
Dil hilûvk e
Dil kezaxtî
Dilê ciwan
Pê dax kirî.

Bi şev û bi roj
Di xewnê, di xeyalê de
Pêşbira li pêş çav
Bizota livîna jiyanê ye
Di karêza çav
Pijak... pijak xemilî.

Ew e, herzinga ber mirinê
-Ku pêt bi pêt li hrnavan diçêre-
Bêriya welat, di dil de
Ev keser, ev xwezî hetanî gorrê lo lo xweyo!
Tirsim bimîne pê re.