A B C D E F G H I J K L M N O P Q R S T U W X Y Z
Rênas Jiyan - Kul 2 (Stêrka Bêçirûsk)
610 Xwendin
1 Ecibandin
Asoya Helbesta Kurdî

Rênas Jiyan - Kul 2 (Stêrka Bêçirûsk)

bi stêrkan re em rûdinin
û her şev
hesabê hatina te dikin em bi tiliyan
...stêrk westiyan, tefiyan
ê min jî çend stêrk hêviyên min ên vala mane
weke tifinga bêgule
an tu yê werî
min bikî xwedî stêrk
an tu nayê
wê stêrk bibin xwediyê min

min meke qeşmerê stêrkan stêrk

fermo zû were
di êvarên esmer de qemer esmer were
li stêrkan siwar be û were
bibe stêrk û were

çavên min ji bêxewiyê bûne berbang

berî bêhna nanê sibê
bifûre li bajêr
her sibe dengbêjên min birçî distirên

bi serê kenê te î delalî
ez dûr ne baş im
bi serê tirsa te ya xezalî
ez kûr ne baş im
dimirim îro
ne di nîvê şevên gurxenêq de
ro li nîvro

stewr im ji aliyê fikran
avis im ji aliyê hîsan
ev dest her sibe destên te dizên
ev lêv her êvar lêvên te dizên
ev dil her şev dilê te dizê
dergûşê! ...
Helbestên din ên Helbestvanî/ê