A B C D E F G H I J K L M N O P Q R S T U W X Y Z
Rênas Jiyan - Koleksiyon 9
132 Xwendin
0 Ecibandin
Asoya Helbesta Kurdî

Rênas Jiyan - Koleksiyon 9

koleksiyona 9`em, li malê, îda qurbanê
ev çirûsk, ji çavên lawikê ji kêfa îdê re raneketiye hatiye
berhevkirin
di tahma kulîçeyên îdê û
di bêhna goştê îdê yê li ser tifikekê li quncikekî hewşê tê
çêkirin de ye
wî, geh li zarokên kêfcejn nihêrî
û geh jî li lingên xwe yên di axpîngê de gemarîbûyî
wî, bi awirên xwe yên ji kêra qurbanê tûjtir
herdu lingên xwe jê kirin
wî, wê îdê tu şekir kom nekirin
lê zarokên din bi pirhejmarîya şekirên xwe, xwe li ser
serê wî qure kirin
li gel zarok bû negiriya û neliviya jî
wî, ji hudirê malê xwe bera hundirê xwe da
pilingekî har di hundirê wî de zîl da

dê pêşiya malê avreşandî kir
bêhna axa şil tev li bêhntengiya lawikê çavşil kir


Ji ber ku sola "wî" tunebû; ew li wê îdê negeriyabû

cejnên "wî" yên kêrkirî hîn jî didomin...

Ji pirtûka Mexzena Xwînê
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê