A B C D E F G H I J K L M N O P Q R S T U W X Y Z
Rênas Jiyan - Koleksiyon 10
406 Xwendin
0 Ecibandin
Asoya Helbesta Kurdî

Rênas Jiyan - Koleksiyon 10

koleksiyona 1 0`em, li otogarê, qiyala nîvro
ev çirûsk, ji şolîbûna dilopeke xwêdana kaotîk
a zilamekî bajar lê herimî
hatiye berhevkirin
di tahma vegera malê û di bêhna lingên werimî yên
rêwiyekî de ye

cih ji te re nehiştibûn,
li rawestgehên şeliqî yên li qiraxên avan
piyên te derketin parsa riyan
çirûskên te ew rêwiyên bender qesasên wan

buxçika te û tûrikê te tim weke mirinê amade bû
te bi tenê çavkaniya riyan meraq kiribû
û tu teriqî bû

tu li ser rê yî a niha
belkî tu hatibî
belkî jî tu diherî
lê tu li ser rê yî
berê te li berbangê, pişta te li kerbê
di qirika te de straneke ji qahrê
tu diherî û hey diherî
qonaxên te yê li wan pîvazek bişkenanda
û çixareyek bişewitanda a niha ba

te bêriya xaniyên an jî betonên taştiya xwedê jê re
dibirin kiriye
min jî bêriya pîvongên çolê û pêlîstokên ji heriyê
te daye pey şiva trênê û tu dikulkulî
tu diherî

ez ew gola ku hemû rê dirijin wê me...

Ji pirtûka Mexzena Xwînê
Helbestên din ên Helbestvanî/ê