Receb Dildar - Ji bo Tahir Elçi

Xançepek kuçeyeke pirrî kevn e
Xwîna mêrxasek gol bû sore reng e
Ava Dîjle kezeban hênik nake
Niza çima xelk û alem bê deng e.

Xançepek kuçeyek teng û dirêj e
Xwîna mêrxasek li erdê dirêje
Bajar xemgîn dilê min bi girîn e
Ez bêhal im , ka were tu bibêje

Xançepek kuçeyeke kevnedêr e
Xwîna mêrxasek diçe serberjêre
Ziman lal bûne dest û mil nagerin
Kuştina me ne sewab ne jî xêr e.

*Bi destûra helbestvanî ye.