Pîremêrd - Peyrrewî Şaîrêkî Bênaw

Balla wek kend û bêgerd û nasik
Kelle wek deholl, mil weku dasik
Tifeng le şan û be siwarî lasik
çend xoş e baz û hellmet bo basik
Xerqî ’ereq bê kelle heta sik

Bigrî be qetar, şad be berrorro
Nenkit mirduwe, hellperre emrro
Gêlas û şifte hey tûrre û tirro
Nekey bêbeş bî, heste zû birro
Be fîday ballatbim egirîce perro

Sûtûy nêrgele û giftûgoy qumrî
çeplle be laqî şestûnoy hîcrî
Semawerî zerd, xellûzî befrî
Ferteney behar, surrsurrey behrî
Wirya be giyane! Nekey qet bimirî

Gullalley hetaw, sêberî çetrî
Awêne û şane û kêlî ser qebrî
Kil û kiltûrî destarr û tewrî
Sînî be mencell, sêpa be dewrî
çêştî herrişte û xoriştî çewrî

Semay mirîşk û qûqûy kelleşêr
Be destî şkaw, be dû çawî kiwêr
Bê, ba binoşîn dû cam awî swêr
çûyne ser lutkey şaxî şarbajêrr
Bo rawemasî bin berd û tawêr