A B C D E F G H I J K L M N O P Q R S T U W X Y Z
Pîremêrd - Pendêkî Baş
136 Xwendin
0 Ecibandin
Asoya Helbesta Kurdî

Pîremêrd - Pendêkî Baş

Piyawêkî kurd çûbuwe Besra
Sibeynan le wê şîrî egêrra

Yekaûyek awî tê ekird
Qazancî zorî lê dekird

Sermayey bû be sed lîre
Hesta bêtewe bo êre

Siwarî paporr bû bo Bexda
şewê le ber mangeşew da

Xerîk bû pare bijmêrê
Xuwa xirap bo xirap enêrê

Meymûnî qeptan peyda bû
Ew kîsey lîrey tê da bû

Firrandî û be dara hellgerra
Kurde, aramî lê birra

Rîşî rinîyewe be giryan
Hawarî birde ber qeptan

Qeptan herçende lêyî tund ebû
Meymûn berew jûrtir deçû

Ta geyiye tewqeserî dar
Lîreyêkî bo xiste xwar

Yekêkî hawîşte naw aw
Ta sed lîrekey kird tewaw

Yekê bo aw, yekê bo kurd
A bem pêye beşî ekird

Kurde şêt bû le daxana
Hellsa çû be gij qeptana

Qeptan her waqî wirr ma
Lem heraye serî surr ma

Rûy kirde kurde witî: Bedbext
Em pareyet le kiwê dest kewt?

Witî: şîrfiroşîm ekird
Be çend sallim girdewe kird

Witî: Têgeyiştim çî ye
Sûçî meymûnî tiya nîye

Nîwey hî aw bû, kewte aw
Toyiş beşî xot wergirt tewaw

Kasib xoşewîstî Xuwa ye
Heram bo kesib agir û ka ye
Helbestên din ên Helbestvanî/ê