A B C D E F G H I J K L M N O P Q R S T U W X Y Z
Pîremêrd - Neşîdî Matem (1)
128 Xwendin
0 Ecibandin
Asoya Helbesta Kurdî

Pîremêrd - Neşîdî Matem (1)

Ewa payiz e, gullistan rengî zerd e
Gellay dar werî, bay seher ahî serd e

Perrinde le herde
Dillî pirr le derd e

Perêşan e sunbul, çinar bergî lûl e
Gullî qehqehe mat e, mîna melûl e

çi ‘alem şimûl e
Em eylûle xûl e

Dirextêkî tûbay beheştî Êraq bû
Le me’wa ye me’way, ke sayey be ser çû

Dirîxa le dest çû
Bellam zû be zû

Liqêkî billindî le cê û, cêy hîwa ye
Weku esllekey sayebanbê Xudaye

Ke dallde û pena ye
Wedî’ey niya ye

Ke bellku Êraq, wek Êraqî ebbasî
Beheştî zemîn bê, be lale ebasî

Billind e esasî
Nebînê kesasî

Be ‘îlm û finûn, bê be dewranî Me’mûn
Ferrense dîsan peyrrewî bêt û meftûn

Hemû şad û memnûn
Weku ehdî Harûn

Ke êmeyiş newey fazîlî ew zemane în
Ebê ser kewîn, ta bizanrê le wane în

Le bapîr nîşane în
Fîdayiyekaneyn
Helbestên din ên Helbestvanî/ê