A B C D E F G H I J K L M N O P Q R S T U W X Y Z
Pîremêrd - Nalley Pîrî Pîran (6b)
116 Xwendin
0 Ecibandin
Asoya Helbesta Kurdî

Pîremêrd - Nalley Pîrî Pîran (6b)

Perwerdgara! Eger her mûyê
Zibanêkim bê, şukran e goyê

şukrî nî’metî to tewaw nakem
Le çît siruşt dam min her ew xake m

Ew zubaney min şukrî pê ekem
To pêt bexşîwim bê ziyad û kem

Xuwa! Sirrî xom lay her kesêk gût
Xomî pê sûtam wek serebizût

Her to yî mêrûleyiş razî be to ye
Sûtawî şewqit, sazî be to ye

Dergay bizurgan be şew dadexirê
Qapî to be şew hanay bo debirê

Gewrey diniyayî destî biçûk egirin
Bew çakeye xellik le beryan emirin

To xudawendî ke xellqit kirdûyn
şeytan gewreyî toy le yad birdûyn

Le gell eweyiş da her to bexşnde yî
Nanman nabirrî, keremkunende yî

Xuwaye pêm xoş e serim bibirre
Perdey namûsim be xellik medirre

Xot eyzanî xellk çend bêmirwet in
Helyan bo hellkewt çend kemfirset in

Be sikî birsî damnê le ser berd
Bellam memxere dest piyawî namerd
Helbestên din ên Helbestvanî/ê