A B C D E F G H I J K L M N O P Q R S T U W X Y Z
Pîremêrd - Lasay Tuhfey Tufahî Şa’îrêkman
314 Xwendin
0 Ecibandin
Asoya Helbesta Kurdî

Pîremêrd - Lasay Tuhfey Tufahî Şa’îrêkman

Ew kiçe ciwaney ke Besêy naw e
Le “sînî”-î sîney ke zîwî xaw e

Dû sêwî tazey tiya danrawe
Le kirdewey Xuwa serim sûrrmaw e

Le qallibî nûr sêw darrêjraw e
Riyşey cergimî pêrra kêşrawe

şêwey sêw lewhî Behzadî erjeng
Legell ew ballay, allay şox û şeng

Kewtote jêr tiwêy, zullfî şewezeng
Sîhrî hellall e, giyandar û bêdeng

Cîlwey le îca yedî beyzawe
Ew nûre giyanî minî kêşawe

Her le dest to dê, ferdî feryadres
Tuhfeyekî wa loks û enfes

Ke çî nejakê, be ser pencey kes
Le dûr errûşê, be şinoy nefes

Damaw im le rûy sun’î Xudawe
Ew sêwe giyanî minî kêşawe

Nemamî serwe û sêw muturbe ye
Mellên ew sêwe hawrengî be ye

Behêy rûzerd! çon “daye”-y we ye
Tam noşdarûy kawisî keye

çî bikem mar helqey le dewrî dawe
Rêy destdirêjî destim birrawe

Ellên beheştîş sêwî way tiya ye
Min tenya emem ewê lew Xuwaye

Ew sêwem batê her lem dunyaye
Hazir be qerizdan, lam narrewa ye

Hawar, zor ax û daxim kêşawe
Tasey ew sêwe giyanmî kêşawe
Helbestên din ên Helbestvanî/ê