Pîremêrd - Felsefey Şîîrî Kurdî

Ebê bexşinde mil keç ka le rastî mûçexorî xoy
Surahî bo piyalle ser firo dênê ke tê ka boy

Ke aw darî le ser ser girtûwe eyzanî çî tiya ye
Le lay nenge ke perwerdey nuqum ka! Gewreyî wa ye

Liqî şorrî dirext mîwey dexon bê erkî berd û dar
Pellî berd bo pelî berz e, leqeyişe bo liqî berdar

Le dûrî durîya bêzar û bêziraw im emende zar im
Ecel dê bimikujê namnasê, çi bikem, namirim maw im

Le ber aşûbî xêllim hîç şewê xew nayete çawim
Xewî naxoş ebînim bem perêşan xawiye xaw im

Umêdî ser le ser derken ewaney rast û rûnak in
Qellem her ser qellem, mom bo meqest her bo eweyiş çak in

Ellên: Murxî Sulêman aw le jêr xaka ebînê şew
Minîş hew salle rê dûr bê be çawî dill ebînim ew

çira rûnakî bo jêr xoy nîye rehmet le babî ba
Ewî rûnakî keçbînane, gorre rencî ba bîba

Be cût perwane û masî ke dilldarî çira û gol in
Nizîkî em desûtênê, le dûrî aw ewan hol in