Pîremêrd - Ew Eşqe

Ew eşqey legell cînsî beşer e
Be heway nefs e diwayî be şerr e

Xoşewîstîy Xuwa ke begyan bend e
Wek şerab wa ye, konbê pesende

Ew sermestîyey ke le rûha bê
Dill awa eka herçend rûxa bê

Ke yadî Xuda hate dillewe
Be soz û nalle û coş û kullewe

Jengî dill legell firmêskî çawa
Pak ekatewe û eyda be awa

Dill pak bêtewe û jengî nemênê
‘Erşî kirdgar yekser ebînê

Hay lew xoşîye û lew lîqay Xuwaye
Selltenetêkî ew toy tê da ye

şa, be sepanî xoy ranagirê
Tem rûy zemîne be filsê nakirrê

Enca ba xawen payey cîhanî
Bitwanê şanê bida le şanî

Ewaney ke wa be mesned bayî n
Legell çerx gorra, gişt çerxî “ba”-yî n

Xuwaye şukraney to tewaw nakem
Le sayey to we min ew bêbakem

Ke em feleke pêy dellêm: Welek
şekirî çayîşim buwe be belek

Her le jûrewem hawîn û zistan
Herçî azaye bom bête meydan

Cilî hawînem koney zistan e
Ewîş hî xellke wa pênc sallane

Zor cilûbergî taze ebînî
Leşî leşpîsî tê da nihênî

Ke merg ew bergey lê ekatewe
Tateşor leşî pak nakatewe