Pîremêrd - Em Xake Pake

Em xake pake, hênde lam çak e
Be sozî sewday dîdem nimnak e

Be temaşay dûr têrî lê naxom
Key demkêşête sîney xoy axum?

Min be ser ew da, ewîş le ser min
Be yektir şad bîn, be kiwêrîy duşmin

Le mew diwa eger êwaran yaran
Le dûm bigerrên, wam le kosaran

Karêzî şerîf demî berbeyan
Birîqey wêney sîney pirr beyan

Aramgay şoxî dîdemestan e
Rişêney firmêsk, meynetkêşan e

Le girdî yar e çawim lê yetî
Nazanim wêllî sewday kê yetî?

Ya Xuwa ew keseyî ke em dû salle
Lêm kewte gîze, wek zerdewalle

Neyhêşt agirî yare bigrrê
çeqoy ahî min cergî helldirrê

Be neş’ey behar, lew mêrxûzare
Ko ebûnewe xellkî em şare

Seyrî şîrînî willatiyan ekird
Daxî zistaniyan le dill der’ekird

Nîştiman be seyr dête ber çawman
Be hubbî weten berz ebê nawman

Min zewqî şîr’im, be çeşimendaz e
şinoy beyanim, legell hamrraz e

Emewê Goyje û Ezmirr bê be rêm
Wek Qeysî Duceyl piya da bigerrêm

Legell ballinde û dirrindey yar bim
Wek taqtaqkere şewan bêdar bim

Her şiwênê xakî willat pirr nim bê
Her cêye şewnim şew le ser lim bê

Ewe cêy coşî giryanî min e
Ew zuxawî dilley biryanî min e