Pîremêrd - Bo Mistefa Paşay Yamullkî

Em qewmî kurde zor gewrey buwe
Bellam her yekey bo layek çuwe

Nadir û Kerîmxan kewtûne Êran
Ezîzî Mîsr e Selaheddîn man

Emane beşî îdarîman bû
Le asoy ’îlma billindtirman bû

çunke Kurdistan xoy bênesî be
Edîbekanî tiya da xerî be

Xo Ehmed şewqî û Mihemmed ’Ebde
şu’eray ereb le layan ’ebd e

Daxî ser daxan Cemîl Zehawî
Le naw kurdan da win bûbû nawî

Belê mumkîn e Cemîl edizrê
Bellam Zehawî le kurd naxwazrê

Ba eybîş bûbê kafî Zehaw e
Herçî xoy gorrî diyar e bednawe!

Mistefa Paşa bûye pesende
Fexrî be kurd bû lay Xuwa û bende

Le wesiyetîş da xoy lê negorra
Be wesiyetî xoy le Seywan nêjra

Le ser kurdêkman xîretî wa bû
Be gij şahekey Êran da eçû

Bîgre baweşit ey girdî Seywan
Paşay Kurdistan hatuwe be mîwan

Kurr gel gewretan eger xoş biwê
Zor gewrey tirtan tiya helldekewê

Emrro em yad e bû be yadgar
Zor kes hewill eda bo man bête kar