A B C D E F G H I J K L M N O P Q R S T U W X Y Z
Pîremêrd - Bo Hefley Zehawî
168 Xwendin
0 Ecibandin
Asoya Helbesta Kurdî

Pîremêrd - Bo Hefley Zehawî

Bawerr dekem ke rohî billind namirê her dejî
Caran be xew bû, êste be dîmane hate dî

çend giyanî mirdû bang ekirê, giftûgo eka
Fen bo jiyan, ta serî giyan cistûco eka

Birrwane asman bote cîlwegahî nûr
Giyanî Zehawî ye ke edirewşêtewe le dûr

Giwêm lê ye bang eka ke be xêr bên be komellî
Em hatinetan nîşane ye bo rengî yekdillî

şad im be mey be meyle we yadawerîm eken
Diyar e be qedrî xwêndine we berz ebêt weten

Ta hurmetî guzeşte bê, taze pê ega
Xwênî hemaset helldequllênê le naw rega

Derkewt Zehawî wa le dillî ême da ejî
çend bextiyar e, diyar e ke awatî hate dî

Sed sallî tir bipirsî: Cemîl Sidqî wa le kiwê?
Dengî billindî xoy le hemû şî’rê dête giwê

Nallêm ke heykelêkî bibê, wêne, mirduwe
Dîwanî şî’rî çaktir e, nawdar e, zîndû we

Pêrar be şî’rî ew bû ke Fîrdewsî Nasira
Fîrdews buwe hewarî dû Fîrdewsîy wek bira

Kake Cemîl! Be yadî cemîlit bû şî’rim hat
Raweste! Zorî nawê, wext e minîş bême lat
Helbestên din ên Helbestvanî/ê