A B C D E F G H I J K L M N O P Q R S T U W X Y Z
Pîremêrd - Awatexwazî
440 Xwendin
0 Ecibandin
Asoya Helbesta Kurdî

Pîremêrd - Awatexwazî

Emsallîş dîsan wa geyime behar
Sewzey mêrxuzar, sozey murxzar

Dugmey ser sîney beyan tiraza
Beyan be gullî spî û sûr raza

Hewrî beharî kirdî be hellda
Gulalle xeymey allî xoy hellda

Berx û karjoley behar be qetar
Hellperrkêyane, be beste û qetar

Ke bay dar awis eşnêtewe
Piyaw xoy tê dega, ebûjêtewe

Ew bayey xakî zîndû kirdewe
Pîrî le bîrî pîran birdewe

Be demax xoy da le demaxî min
Ax bêdemax e gullebaxî min

Be dest pîrîyewe kokekokim e
Xwazbênî befr û hellekokim e

Tuxwa, sa kurrgel, êwe û xuway xotan
Seyr ken le batîm ta deliwê botan

Ke jîn û behar herdû bayek bê
Cewanî û ciwanî herdû ba yek bê

Jîn ew jîne ye beyanî behar
Le goşey awê û yarêkî dilldar

Dû dill, yek bo yek awatexwaz bê
Nek be nengewîst niyaz û naz bê

Dillyan wek awî beyaniyan rûn bê
Be neş’ey sewda, rûy yar gullgûn bê

Tîşkî roj bida lew awe ciwane
şewq bidate ser kullm û birrwane

Be zerdexene sergonay çall bê
Be boy henase hellgirrê û all bê

Dill serasîmey şêwey nazî bê
Giwêy hellqe le giwêy şîrînrazî bê

Giyan badey xemzey çawî binoşê
Dest bêpirs sêwî sîney bipoşê

Ew sîne safe şewq bidate aw
Aw bête lerze, şerim hellsê le naw

Sermestî sewda û ser le ser ran bê
Egirîce le ser rûy perîşan bê

Ew şilkey rane û zullfe sed terze
Dill wek bîy naw aw bênête lerze

Demdem bestey tam dû lêwî all bê
Zubanî beste, zubanit lall bê

înca betkay nîga û be niyaz
Razî dill bête ser gurîşme û naz

Bellam eşqî pak neden be awa
Dillêkî pakî mindallî sawa

çunku eşqî pak ta ser emênê
Wicûdîş nebê, rohit ejênê

Ewî natwanê ke xoy ragirê
Xollemêş eba le şiwênî girrê

Yaxu etwanê ke yekê berê
Sewday xoy bika û le sewda gerrê

Wesllî çiray ’eşq ekujênêtewe
Giyan le tarîkî emênêtewe

Le wê da roh û nefs dekewne şerr
Zînhar meyêlle nefs bikewête ser
Helbestên din ên Helbestvanî/ê