Osman Sebrî - Hemreşê Reş

Di rêya jînê xwendine bes çeka di dest me,
Iro bi xweşî dibhîsim ew çek kete dest te,
Hoşeng dibêje: Hemreşî xwendin wa xilas kir,
Ji nameya wî ev mizgînî îro me naskir,
Ji dil dişînim pîroziyan ji bo çavê te,
Dê pirtirî min dilxweş bibin dê û bavê te,
Him dost û heval, yar û hogir hemî dê şa bin,
Em her dixwazin xortên me zana û hêja bin,
Heya bikarin barê li ser pişta me rakin,
Vî gelê sitembarê reben çîçkekî şa kin,
Ji dil dişînim pirr silavên germîn û şîrîn,
Ji bona te û xelkê malê: “ Ancê û Tavîn “.