A B C D E F G H I J K L M N O P Q R S T U W X Y Z
Osman Sebrî - Feleka Bêbext
1732 Xwendin
4 Ecibandin
Asoya Helbesta Kurdî

Osman Sebrî - Feleka Bêbext

Feleka bêbext şikand darê min
Nema kes rûniştî li ber arê min

Ji du hezar sal hey bi îro
Azadî nema di nav warê min

Zorkerên bêbav bi fend û xapan
Di berhev xistin dost û yarê min

Qenc û çakên min tev dane kuştin
Qelandin riça karguzarê min

Serek û rêber di welêt neman
Li erdê hiştin koç û barê min

Ji hev perçe bû Kurdistana gewr
Ket nava destê çar neyarê min

Kirine guneh bi kurdî peyvîn
Wan divê rakin ziman, zarê min

Dewlemendê min hate şêlandin
Ji welêt derket tev zîvarê min

Ew kesên ku xwe mezin dinasîn
Roja teng nebûn bendewarê min

Çend heb ji wana mabûn di meydan
Îro tev revîn ji ber barê min

Hinek ji wana bê şerm û fihêt
Bi destê neyar bûn sîmsarê min!..

Dixwazin îro bi hîzebûnî
Bi derxin kurdan ji ber karê min

Qirak, tot û tund ketin warê min
Koleyên kolî kolîdarê min!..

Ji xeynî felek min hene neyar
Li dora welêt bûne çarnikar

Çav dane dîlî bindestiya min
Bi zorê hiştim bê ziman û zar

Berê rabûn me tirkên tûranî
Ecemên guhpên, erebên bêwar

Herçî li iraq û îranê bûyî
Dihêlim ji bo Goran û Hejar

Dê tenê bêjim kurt û serpilkî
Ku çawan tirkan xwîna me xwar

Ji tirkan sê kes xwedan guneh bûn
Kemal ataturk, îsmet û bayar

Di nav sî salî ji gernasên kurd
Sê hezar mêrxas şandine ber dar
Helbestên din ên Helbestvanî/ê