A B C D E F G H I J K L M N O P Q R S T U W X Y Z
Occo Mahabad - Dem
115 Xwendin
0 Ecibandin
Asoya Helbesta Kurdî

Occo Mahabad - Dem

Paşê min fêm kir ku
Eşq jî diguhere û diqede
Wekî her tiştî
Bi tenê êş dimîne…
Paşê min fêm kir ku
Kesên ku dibêjin
Ez naçim
Beriya herkesî diçin..
Kesên ku bêriyên destên we
êş û azar dikişînin
êdî we nas nakin..
Hûn dîsa wekî zemanên berê
tenê dimînin
bi tenêtiyan rojên xwe derbas dikin
dibînin ku
kesek dengê we nabihîse û napirse
kesek nemaye li pey we rondikan birijîne…
Paşê min fêm kir ku
Jiyan didome
Êş bidome jî hêdî hêdî sivik dibe
û hûn wekî her tiştî diguherin
êş diguhere
birîn diguhere
dem diguhere..
Dem derbas dibe
Hinek êş kûr dibin
Dem derbas dibe
Hinek birîn baş dibin
Lê ya rast
Tukes nizane
Dem çi tîne û çi dibe
Tukes nizane
Dê çi nîşanî we bide…

*Ji pirtûka Dem / Rûpel: 11
*Bi destûra helbestvanî ye.
Şîrove

Ka tu şîroveyeke giranbuha li vê helbestê nakî?